Swarsetu Global Listeners' Forum
૬ ઓડિયો સીડીનો સંપુટ છે. જેની પ્રત્યેક સીડી એક કવિ-ગીતકારને સમર્પિત છે. આ કવિઓ છે: તુષાર શુક્લ, રમેશ પારેખ, સુરેશ દલાલ, ઉમાશંકર જોશી, રમણભાઈ પટેલ અને માધવ રામાનુજ. હસ્તાક્ષર શ્રેણીનું શીર્ષક ગીત જગજીતસિંગે ગાયેલ છે. શ્રેયા ઘોષાલનું ગાયેલું પ્રથમ ગુજરાતી ગીત આ શ્રેણીમાં છે. ઉત્તમ ધ્વનિમુદ્રણ, સુરીલું વાદ્યવૃંદ સંયોજન અને લંડન ખાતે જેનું માસ્ટરીંગ કરવામાં આવ્યું છે, એવો આ સંપુટ કાવ્યરસિકો માટે એક લ્હાવો બની રહે છે.
હસ્તાક્ષર શ્રેણીમાં હિન્દી ફિલ્મજગતનાં શંકર મહાદેવન, રૂપકુમાર રાઠોડ, ભુપીન્દરસિંગ, ઉદિત નારાયણ, કવિતા કૃષ્ણમૂર્તિ, સાધના સરગમ, મિતાલીસિંગ વગેરેએ કંઠ આપ્યો છે. ગુજરાતી કાવ્યસંગીતના પ્રતિષ્ઠિત કલાકારો આશિત દેસાઈ, પાર્થિવ ગોહિલ, નિશા અને સોલી કાપડિયા, વિરાજ-બીજલ ઉપાધ્યાય અને ગાર્ગી વોરાએ પણ રજૂઆત કરી છે. કેટલાક નવોદિત કલાકારોએ પણ અહીં પોતાનો કંઠ રેલાવ્યો છે.
હસ્તાક્ષર આલબમ એ ગ્લોબલ ગુજરાતનું ગૌરવ છે, પ્રાંત અને પ્રજાની પ્રતિષ્ઠા છે.
શ્યામલ-સૌમિલે પદ્ધતિસરની સ્વરસાધના વડે નાદબ્રહ્મની આરાધના કરી છે, તો સાહિત્યનાં વાંચન મનન વડે કવિતાના શબ્દબ્રહ્મને આનંદ્યા છે. શ્યામલ-સૌમિલની સ્વરયાત્રા શબ્દથી સ્વર તરફ વહીને સૂર-શબ્દના સંગમ સંગાથે સજ્જ અને સાધારણ શ્રોતાઓ માટે રચે છે રસાનંદ તીર્થ! શ્યામલ-સૌમિલનું સ્વરાંકન કવિતાના શબ્દને સવારની હથેળીમાં લઈને કાળજીપૂર્વક અર્થને ઉઘાડે છે અને એના રસાનુભવમાં મુગ્ધ ભાવકના મન-હ્રદયમાં…
