Swarsetu Global Listeners' Forum
સ્વરસેતુ લીસનર્સ ગ્લોબલ ફોરમનો મૂળ આશય મનોરંજન છે. વિશ્વના વિવિધ દેશોમાં રહેતા શ્રોતાઓ સુધી ગુજરાતી સંગીતના વૈવિધ્યસભર, નાવિન્યસભર અને તાજગીસભર કાર્યક્રમોને ઓનલાઇન રજૂ કરવાના હેતુથી સ્વરસેતુ ગ્લોબલ લીસનર્સ ફોરમની રચના કરી છે. આ આયોજનને કારણે, ઘરની બહાર જઈ ના શકતા અથવા તો ના જવા માંગતા શ્રોતાઓ ઘર બેઠા, પરિવાર સાથે, સુવિધાપૂર્વક જાતજાતના કાર્યક્રમો માણી શકશે. વિવિધ વિષયવસ્તુ અને પરિકલ્પના ધરાવતી રજૂઆતોમાં નામાંકિત તેમ જ નવોદિત કલાકારો, કવિઓ, સંચાલકો, વક્તાઓ, હાસ્યકારો અને સુગમસંગીત, ઉપશાસ્ત્રિય સંગીત, લોકસંગીત, સુયોગ્ય ફિલ્મ સંગીત વગેરેનો સમાવેશ આ કાર્યક્રમોના માળખાની વિશિષ્ટતા છે
શ્યામલ-સૌમિલે પદ્ધતિસરની સ્વરસાધના વડે નાદબ્રહ્મની આરાધના કરી છે, તો સાહિત્યનાં વાંચન મનન વડે કવિતાના શબ્દબ્રહ્મને આનંદ્યા છે. શ્યામલ-સૌમિલની સ્વરયાત્રા શબ્દથી સ્વર તરફ વહીને સૂર-શબ્દના સંગમ સંગાથે સજ્જ અને સાધારણ શ્રોતાઓ માટે રચે છે રસાનંદ તીર્થ! શ્યામલ-સૌમિલનું સ્વરાંકન કવિતાના શબ્દને સવારની હથેળીમાં લઈને કાળજીપૂર્વક અર્થને ઉઘાડે છે અને એના રસાનુભવમાં મુગ્ધ ભાવકના મન-હ્રદયમાં…
